 |
| KIO ဆက်ဆံရေးရုံး၊ မြစ်ကြီးနား |
၂၀၁၁ ဇွန်လက စစ်ပွဲပြန်လည်ဖြစ်ပွားလာချိန် ပိတ်လိုက်ရသော အဆိုပါဆက်ဆံရေးရုံးကို ခြုံနွယ်များပိတ်စို့နေရာကနေ ယခုအချိန်မှ ရှင်းလင်းလာခြင်းကို KIO ရုံးထိုင်တော့မည်လား ဟု ဒေသခံများက စိတ်ဝင်တစားအကဲခတ်နေသည့်အပေါ် KIO ကငြင်းဆိုလိုက်ခြင်းဖြစ်သည်။
အဆိုပါ ချုံများနှင့်ပြည့်နေသော ဆက်ဆံရေးရုံးတွင် ပြီးခဲ့သည့် မတ်လ ၁၅-၁၆ ရက်နေ့အတွင်း ပြန်လည်ရှင်းလင်းထားခဲ့ခြင်းဖြစ်ပြီး ခြံအတွင်းအစောင့်များကိုပါ တွေ့မြင်နေရသည့်အတွက် ရုံးဖွင့်မည်ဟု ခန့်မှန်းနေခြင်းဖြစ်ကြောင်း မြစ်ကြီးနားဒေသခံအမျိုးသမီးက KNG ကချင်သတင်းဌာ သို့ပြောသည်။
“တောတွေ ချုံတွေ အားလုံးရှင်းလိုက်ပြီ။ အခုတော့ အရမ်းပျော်စရာကောင်းသွားပြီ။ သူများတွေပြောတာက အစိုးရတွေက KIO တွေကိုပြန်လာ နေခိုင်းပြီတဲ့။ အဲဒါကြောင့် သန့်ရှင်းရေးလုပ်ခိုင်းတာတဲ့။ အဲဒီမှာ လူ ၂ ယောက်နေတာလည်း တွေ့တယ်။ ဘယ်သူတွေလဲတော့ မသိဘူး” ဟု မျက်မြင် ဒေသခံတစ်ဦးကပြောသည်။
မြစ်ကြီးနားဒေသခံများက ဤကဲ့သို့ပြောဆိုနေသော်လည်း ထိုကိစ္စနှင့်ပတ်သက်ပြီး KIO အနေဖြင့် တာဝန်ပေးလုပ်ဆောင်ခိုင်းခြင်းမရှိကြောင်းနှင့် ထိုသို့ရှင်းလင်းမှုသည်လည်း KIO နှင့် မသက်ဆိုင်ကြောင်း KIO ပြောရေးဆိုခွင့်ရှိသူ ဒု-အထွေထွေအတွင်းရေးမှူး-၂ ဆလန်ကဘား လာနန် ကပြောသည်။
“အဲဒီမှာ တောခုတ် သန့်ရှင်းရေးလုပ်ဖို့ ကျနော်တို့အနေနဲ့ တာဝန်ပေးထားတာ မရှိဘူး။ ဒါပေမဲ့ အဲဒီခြံမှာ ၁ နှစ် ကျော် လူတွေမရှိတော့လို့ သူခိုးတွေ အ၀င်အထွက်အရမ်းရှိတယ်ဆိုပြီးကြားတယ်။ အဲတော့ PCG (ငြမ်းချမ်းရေး ဆွေးနွေးရေး အကျိုးဆောင်အဖွဲ့) က လူကြီးတွေကနေ ရုံးစောင့်ဖို့ လူထည့်ထားပေးတာ တော့ရှိလိမ့်မယ်။ သူတို့ (အစိုးရ) စဉ်းစားပြီး လာရှင်းပေးတာပဲ ဖြစ်လိမ့်မယ်။ ကျနော်တို့လည်း သူတို့ရှင်းပြီးမှပဲ မြို့ကဒေသခံတွေပြောလာမှ ကြားတာဟုတ်တယ်။ စုံစမ်းရတာက ပြည်နယ်အစိုးရကနေ မြစ်ကြီးနားစည်ပင်သာယာတွေကို လာရှင်း ခိုင်းတယ် ဆိုပြီးကြားတယ်”
၎င်းဆက်ဆံရေးရုံးကိစ္စနှင့်ပတ်သက်ပြီး KIO အနေဖြင့် တွေ့ဆုံဆွေးနွေးမှုတွေမှာလည်း ပြောဆိုဆွေးနွေးခြင်းမရှိပဲ ယခုချိန် ရုံးပြန်လည်ဖွင့်ဖို့လည်း အစီအစဉ်မရှိသေးကြောင်း ဆလန်ကဘား လာနန်က ဆက်ဆိုသည်။
“အဲဒီအပိုင်းက ဆွေးနွေးဖို့လည်း မလိုသေးဘူး။ အစိုးရတွေအနေနဲ့လည်း လာနေလို့ရတယ် ဆိုပြီးပြောတာတွေလည်း ကျနော်တို့မှာမရှိဘူး။ တကယ်လို့များပြောလာရင်လည်း အခုချိန် အဲဒီနေရာတွေမှာ သွားနေပြီး ရုံးသွားဖွင့်ဖို့ အစီအစဉ်မရှိဘူး”
မြန်မာအစိုးရနဲ့ KIO ကြား ယခုချိန်ထိ အပစ်အခတ်ရပ်စဲခြင်း မရှိသေးသော်လည်း နှစ်ဖက်တပ်တွေကြား စစ်ရေးအရှိန်လျှော့ချဖို့ သဘောတူပြီးချိန်မှာ ယခုလို မြစ်ကြီးနားဆက်ဆံရေးရုံးကို သန့်ရှင်းရေး ပြန်လည် ပြုလုပ်လာခြင်း ဖြစ်သည်။
စစ်အစိုးရမှ မြန်မာတစ်နိုင်ငံလုံးရှိ ကချင်လွတ်မြောက်ရေးအဖွဲ့ (KIO) ဆက်ဆံရေးရုံးများ ပိတ်ပေးရန် နှုတ်ဖြင့် သတိပေးလာခြင်းကြောင့် KIO ဖက်မှ ၂၀၁၀ နိုဝင်ဘာလ ၂၅ ရက်နေ့ နောက်ဆုံးထားကာ ၎င်း၏ ဆက်ဆံရေးရုံးများ ပိတ်ရန် အမိန့်ထုတ်၍ ပိတ်ထားခဲ့ခြင်းဖြစ်သည်။
www.kachinnews.com
www.burmese.kachinnews.com
www.kahcin.kachinnews.com
www.kachin-news.blogspot.com
http://www.facebook.com/Kachin-News-Group
0 comments:
Post a Comment
Note: Only a member of this blog may post a comment.